На Шумарски факултет во Скопје ќе се одржат блок предавања на тема „Интегрирано стопанисување со шумите и климатски промени“

На 23 и 24 април 2014 година (средна и четврток) од 10.00 до 12.00 часот во амфитеатар бр. 17 на Шумарски факултет во Скопје ќе се одржат блок предавања на тема „Интегрирано стопанисување со шумите и климатски промени“.

Предавањата ќе ги одржи проф.д-р Јурген Бласер од Факултетот за земјоделски, шумарски и науки за храна при Универзитетот за применети науки во Берн, Швајцарија.

Предавањата се од отворен тип за студентите, професорите, стручните лица и  сите заинтересирани за областа шумарство и животна средина.

Предавањата се овозможени од Програмата за мобилност Еразмус и се поддржани од Програмата за зачувување на природата во Македонија, како дел од интервенцијата за соработка помеѓу Шумарскиот факултет од Скопје и  Факултетот за земјоделски, шумарски и науки за храна при Универзитетот за применети науки во Берн, Швајцарија.