Проектот го реализира Општински спортски актив од Кочани, на водопадите на езерото Гратче.
Главна цел на проектот е заштита на биолошката разновидност и природата низ промоција и одржливо користење на водопадите на езерото Градче.
Со реализација на проектот ќе се обезбеди:
- добра пристапност до самите водопади и нивната непосредна околина која ќе се овозможи со расчистување на пристапниот пат.
- поставување информативни табли и патокази за да се овозможи информираност за патеката, биолошката разновидност и природните карактеристики за локалитетот;
- видиковец кај самиот водопад со кој ќе се овозможи можност за едукација на различни категории на заинтересирани страни (ученици, студенти,туристи итн.)
- промоција на водопадите преку веб страна, информативен материјал (постери и флаери),одржување на промотивни средби со различни категории на посетители (наставници по биологија од основните и средните училишта со нивните ученици,претставници на локалната самоуправа,спортски друштва,туристички агенции од регионот и пошироко).
Активности кој се реализирани во рамки на проектот:
- Изработена е веб страна www.vodopadikocani.mk со сите информации за настанокот на местото, водопадите, биолошката разновидност, како и проектните активности;
- Расчистен е пристапниот пат од ниско стеблести растенија и грмушки, дрвјата по течението на реката, како и непроодниот дел во должина од 150 м.
- Локалитетот околу водопадите е уреден со видиковец,седечки гарнитури и ограда, поставени се корпи за отпадоци и подобрена е достапноста на водопоадите.
- Изработени се и поставени информативни табли и патокази од мотелот Гратче до водопадите со информации за биолошката разновидност на овој локалитет.
- Изработени и испечатени се флаери и постери за промоција на биолошката разновидност на локалитетот
- реализирани се 3 работилници на водопадите, со учество на деца од основните и средните училишта во Кочани. На правата работилница децата истражуваа и го запознаа биодиверзитетот околу водопадите, втората беше наменета за сликање на амбиентот, а третата имаше за цел планинарска ориентација и едукативна средба со спортски работници.
- Проектот беше промовиран преку локалните и регионалните медиуми.
