Како нашата храна ја чува животната средина?

Живееме во време кога секој вид на овошје и зеленчук станува достапен во секој период од годината. Во поголемиот дел од светот, маркетите и пазарите се полни со прехранбени производи од целиот свет и човековата популација како никогаш порано има избор на храна и продукти.

Количеството на потребна храна, брзината на нејзиното производство, разновидноста и потребата за брза дистрибуција остава трајни последици врз природата. Со цел да се задоволат потребите за храна се прават огромни штети врз животната средина: се согоруваат огромни количества на фосилни горива што го загадуваат воздухот, водите се загадуваат со големи количества на ѓубрива и пестициди, се сечат шумите со цел создавање на нови земјоделски површини, се сушат реките и езерата со цел наводнување на овие површини и се намалува агролошката разновидност цел производство на монокулутури кои се основа за производство на мноштво различни прехранбени продукти.

Иако се чини дека човекот на индивидуално ниво може малку да смени во овие големи, глобални случувања, но сепак човекот има контрола врз тоа со што и како се храни. Доколку сакаме да продолжиме да се храниме здраво, а притоа минимално да влијаеме врз животната средина еве што може да направиме:

Храни се локално

Ова е многу стара поговорка, но сега повеќе од било кога оваа реченица го има своето значење. Ова значи исхрана со продукти од локално потекло, идеално локални сорти и видови на овошје и зеленчук за чии транспорт е потребно многу помалку ресурси за разлика од увозните продукти. И најважно храна што ја произведува локалната заедница

Читај ги етикетите

Потеклото и составот на храната се многу важни доколку сакаме да се грижиме за природата. Иако не можеме да имаме предзнаење за сите технолошки постапки за храна, но доволно е да знаеме од каде потекнува храната и кој ја создал

Избегнувајте амбалажа и пластика

Отпадот е значаен аспект од производството на храна. Затоа секогаш треба да бираме продукти со што може помалку амбалажа и/или амбалажа која лесно може да се рециклира.