Биолошка разновидност на домашни животни

Во регионот на Брегалница присутни се голем број на локални видови домашни животни. Дел од нив се автохтони за Република Македонија (овчеполска овца, македонска пчела), а дел од нив се распространети и во околните земји (говедо буша, домашна балканска коза, каракачанска овца и шарпланинско куче).

Од локалните раси во регионот на сливот на Брегалница, најзастапена е расата овца праменка кој се среќава во три соја: овчеполски, шарпланински и каракачански. Поимот праменка означува примитивна овца која опстојува во скромни услови на нега и исхрана. Таа е нископродуктивна раса со тројни производни особини: млеко, месо и волна. Расата е отпорна и добро прилагодлива на услови за одгледување.

Овчеполската овца претставува симбол на долниот тек на Брегалница и на целото подрачје. Загубите на биолошката разновидност кај домашните животни во регионот и пошироко е евидентно и не се должи само на запоставениот интерес за чување на автохтони раси, туку и на долгогодишниот процес на губење на општите популации на домашни животни во регионот.

Заштитата на биодиверзитетот кај домашните животни, претставува планска, координирана и дологорочна активност содржана во Програмата за заштита на биолошката разновидност во сточарството од каде и неопходноста за нејзина доследна примена.