Одржана втората работилница за развој на курикулумот на УКИМ – Шумарски факултет во Скопје

Втората по ред работилница за развој на курикулумот на УКИМ – Шумарски факултет во Скопје се одржа на 18.12.2015 во Скопје и претставува една од активностите во рамки на Програмата за зачувување на природата во Македонија каде заедно со помош на Бернскиот Универзитет за прменети науки од Швајцарија се врши подобрување на наставната програма во насока на воведување на биолошката разновидност.

На работилницата беше направен преглед на досегашната наставна програма на Шумарскиот факултет во Скопје како и анализа за можните подобрувања на наставната програма со посебен осврт на биодиверзитетот и природата; беа разгледани наставните програми на шумарските факултети во Швајцарија како и анализа на посебни модули. Воедно беше договорена и диманика за процесот во кој ќе се одвива подобрувањето на наставната програма на Шумарскиот факултет во Скопје во иднина во насока на воведување на биолошката разновидност, зачувувањето на природата и воведувањето на новите одржливи пристапи за управување со шумите.

На оваа работилница, покрај учеството на професорите и претставници на студентите од Шумарскиот факултет во Скопје, свое учество имаше и професорот Јурген Бласер од Бернскиот Универзитет за применети науки.