Прва работилница во рамки на подготовка на Стратегијата за развој на туризмот во ИПР со акционен план (2015 – 2024)
Во Штип, на 06.10.2014 година се одржа првата работилница со заинтересираните страни за подготовка на Студијата за состојбата со потенцијалите за развој на туризмот во Источниот плански регион, како дел од програмската активност изработка на Стратегијата за развој на туризмот во ИПР со акционен план (2015 – 2024). Работилницата беше организирана со цел да се направи анализа на просторот на регионот од аспект на природните карактеристики и создадените вредности по однос на културните ресурси. Учесниците на оваа работилница имаа можност да разменат и усогласат информации поврзани со идентификација на природните ресурси кои имаат потенцијал да продонесат во развојот на туризмот во регионот, да разменат и усогласат информации поврзани со идентификација на културните ресурси кои имаат потенцијал да продонесат во развојот на туризмот во регионот како и заеднички да се усогласат идните чекори во процесот на прибирање и престатвување на податоци кои ќе бидат користени во процесот на изработка на Студијата.
Работилницата беше отворена од страна на градоначалникот на општина Штип Илчо Захариев и директорот на ЦРИПР Драгица Здравева. Работилница беше во организација на ИДЕА О.К. и БДС како спроведувачи на програмската активност и ЦРИПР како стратешки партнер на ПЗП во Македонија. На работилницата присуствуваа претставници на голем број општини од ИПР како и претставници на други засегнати страни во процесот на подготовка на Стратегијата за развој на туризмот во ИПР.
