Продолжуваат активностите за зачувување на агробиолошката разновидност во Брегалничкиот регион

Во периодот од 14 до 18 јули 2014 година, се реализира втората мисија на професорот Ханс Рамсеиер од Универзитетот за применети науки во Берн, како дел од програмската активност  на Програмата за зачувување на природата во Македонија  која се однесува на Одржливо земјоделство и зачувување на агробиодиверзитетот. Проектниот тим за координација на Програмата за зачувување на природата во Македонија заедно со професорот Ханс Рамсеиер имаше неколку работни средби на национално и локално ниво со: Здружението на агро економисти на Македонија, кои се задолжени за подготовка на експертскиот елаборат за земјоделство како дел од Просторниот план  за Источниот плански регион, ЈП Македонски шуми, Македонско еколошко друштво (МЕД), Институтот за ориз во Кочани,  Здружението на пчелари од Виница, Здружението на органски производители на овошје Аронија. За време на престојот во Брегалничкиот регион тимот имаше можност да посети  неколку парцели на кои се одгледуваат стари сорти на овошки.

Како резултат од двете посети што беа реализирани од страна на професорот Ханс Рамсеиер и добиените информации за моменталната состојба, ќе бидат дефинирани следните чекори кои ќе се реализираат во рамки на Програмата за зачувување на природата во Македонија во делот за зачувување на агро биолошката разновидност.