Конкурс за избор на фотографија на тема „БИОЛОШКАТА РАЗНОВИДНОСТ ВО БРЕГАЛНИЧКИОТ РЕГИОН“

По повод 22 мај, Светскиот  ден на биолошката разновидност, Програмата за зачувување на природата во Македонија објавува КОНКУРС ЗА ИЗБОР НА ФОТОГРАФИЈА НА ТЕМА „БИОЛОШКАТА РАЗНОВИДНОСТ ВО БРЕГАЛНИЧКИОТ РЕГИОН“ и ги повикува сите заинтересирани професионалци, аматери и ученици кои имаат афинитет кон фотографирањето и природата да учествуваат на  конкурсот. Целта на овој конкурс  е да го насочиме вниманието кон значењето на биолошката разновидност за Брегалничкиот регион и да влијаеме на подигањето на јавната свест за зачувување на природата.

Критериуми за учество:

• Мотивите на фотографиите да бидат од Брегалничкиот регион и да ја отсликуваат биолошката разновидност на регионот, доживеана низ објективот на авторот. На фотографиите треба да бидат претставени спeцифични животински или растителни видови или пејсаж на одредена локација во Брегалничкиот регион;
• Дигиталната фотографија (JPEG, TIF или сл) треба да е со резолуција од најмалку 6 Mp (megapixels). Испратената фотографијата во дигитална форма не треба да надминува 5MB.  Фотографијата треба да ја прикажува реалната состојба на одбраниот мотив и не е дозволена  дополнителна обработка на фотографиите или фотомонтажа.
• Еден учесник може да испрати најмногу 3 (три) фотографии. Фотографиите не треба предходно да биле изложени или објавени;
• Секоја испратена фотографија треба да содржи: име на фотографијата, локација каде е направена фотографијата и име на авторот;
• Не се дозволени фотографии на домашни миленичиња и животни од ловни резервати за дивеч. За целите на фотографирање не смее да има нарушување или уништување на природата;

Пристигнатите фотографии ќе бидат оценувани врз основа на: композицијата на фотографијата (поврзаност со биолошката разновидност), оригиналноста на фотографијата, техничкиот квалитет и уметничкиот аспект на фотографијата. Со испраќање на фотографиите, авторот ги отстапува авторските права на Програмата за зачувување на природата во Македонија со право да ги објавувува, разменува или  печати за свои потреби.

На 22 мај, Меѓународниот ден на биолошката разновидност Програмата за зачувување на природата во Македонија ќе организира изложба на најуспешните фотографии и ќе бидат  доделени награди за најуспешните 3 (три) фотографии.

Заинтересираните кандидати фотографиите заедно со информациите за контакт треба да ги испратат во дигитален формат, на e-mail: info@bregalnica-ncp.mk. Конкурсот трае од04.04.2014 година до 05.05.2014 година до 16,00 часот. Фотографиите кои ќе стигнат после наведениот рок нема да бидат земени предвид.

За дополнителни информации заинтересираните може да се обратат во Локалната канцеларија на Програмата за зачувување на природата во Пехчево:

Локална проектна канцеларија на ПЗП
Маршал Тито 3, 2326 Пехчево
тел. 033 441 101
e-mail: jasminika@bregalnica-ncp.mk