17
Окт
2017

Нова група на млади пчелари од Брегалничкиот регион обучени за одржливо пчеларство

Програмата за зачувување на природата во Македонија ја реализираше втората по ред обука за млади пчелари од Брегалничкиот регион, со цел да им помогне на младите од овој регион да се стекнат со потребното знаење за одржливо пчеларство со рационално искористување на природните ресурси како и подобрување на економската состојба на младите од овој регион.

Obuka_Pcelarstvo_3

Обуката се спроведуваше од страна на долгогодишни искусни пчелари – едукатори, по програма распределена во 10 модули со практичен и теоретски дел. Програмата за обуката е подготвена со швајцарска експертиза, но адаптирана за македонските пчеларски услови. Оваа обука успешно ја завршија 18 млади лица од регионот, со што вкупниот број на едуцирани млади пчелари во Брегалничкиот регион во рамки на Програмата за зачувување на природата во Македонија се зголеми на 36 од кои 12 се жени.

Obuka_Pcelarstvo_1

Како и претходната година, учесниците на оваа обука имаа можност да се едуцираат за основите и техниките на одржливото пчеларство на нагледен пчеларник кој беше воспоставен во Брегалничкиот регион каде секој од учесниците се грижеше за своите пчелни семејства и имаше можност да ги примени своите знаења. По завршувањето на обуката секој од учесниците оформи свој пчеларник во рамки на Брегалничкиот регион со што бројот на пчеларници го зголемивме на 36 како резултат на спроведените обуки. Голем дел од учесниците, покрај добиените три пчелни семејства од страна на ПЗП, на сопствена иницијатива извршија зголемување на бројот на пчелните семејства. Младите пчелари и по завршувањето на обуката имаат континуирана поддршка од едукаторите со цел нивно успешно воведување во пчеларството.

Obuka_Pcelarstvo_2

Ваков тип на обука за прв пат се спроведува во Брегалничкиот регион, со што директно придонесуваме кон целта да имаме едуцирани пчелари кои преку одржливо искористување на придобивките од природата ќе започнат свој бизнис. Со спроведувањето на оваа обука покрај придонесот кој го имаме кон едукација на младите за пчеларството исто така придонесуваме и кон промоција на важноста на македонската автохтона пчела Apis mellifera macedonica која е доста важна како за пчеларството така и за зачувување на биолошката разновидност.

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...