Проектот го спроведе Балканската фондација за одржлив развој, на територијата на општините Берово и Пехчево. Општа цел на проектот е зачувување на природата и биолошката разновидност на Малешевските Планини. Конкретните цели на проектот се поврзани со заштитата на дрвјата споменици на природата и на старите-вековни дрвја и кои имаат големо значење за биодиверзитетот на Малешевските Планини.
Во рамки на проектот се реализирани следните активности:
- Идентификувани се и евидентирани 35 стари дрвја, кои имаат предиспозиции за номинација;
- На сите евидентирани дрвја извршени се потребните мерења, кои се внесени во формуларите за идентификација;
- Извршено е дигитално позиционирање на дрвјата на теренот преку утврдување на нивните координати и дигитално мапирање во софтверски пакет OruxMap.
Од спроведените активности и постигнати резултати евидентно е дека на Малешевските Планини има поголем број на стари-вековни дрвја кои се значајни за биодиверзитетот и кои имаат карактеристики на споменици на природата. Затоа потребни се подетални теренски истражувања за нивно идентификување и евидентирање, кои понатаму ќе помогнат за нивно промовирање и зачувување. За таа цел во ПЗП-фаза2 оваа проектна идеја беше надградена и активностите се проширија и во делот на Делчево.
