Проектот беше имплементиран од страна на здружението Милиеуконтакт – Македонија на територијата на општина Пехчево, со цел да придонесе кон обезбедување на услови за одржливо управување со природните ресурси во општина Пехчево, преку промоција на биоразновидноста и георазновидноста во општина Пехчево.
Во рамки на проектот се реализирани следните активности:
- Воспоставена и обележана е патека која спојува три избрани карактеристични локации во општина Пехчево, која е приспособена за пешаци и за велосипедисти;
- Изработена е мапа со топоними за патеката, а исто така се поставени патокази долж патеката како и информативни табли за патеката и локациите;
- Обучени се 7 Локални водичи во природа, кои се изгласани од страна на Советот на општина Пехчево;
- Во делот на младинско образование одржани се вкупно 4 работилници за вклучување на младите во имплементација на проектот, а исто така се спроведен конкурс за избор на најубава литературна творба, фотографија и цртеж наменет за учениците од ООУ „Ванчо Китанов“ – Пехчево;
- За промоција на проектните резултати, беше изработена web страна и Facebook страна за промоција на проектот и патеката, беше организиран пикник на Јудови ливади со претставници на медиумите и тур-оператори од регионот за промоција на велосипедската патека и Локалните водичи во природа, а исто така беа отпечатени летоци со информации за локациите и мапа на патеката.
Проектот беше промовиран на локалните и регионални медиуми, а патеката е дел од интегрираната туристичка понуда.
