Јозеф Рикман од Меѓународниот институт за истражување на оризот (IRRI) во посета на Програмата за зачувување на природата во Македонија

Во рамки на компонентата за промовирање на иницијативи за одржливо земјоделство започнати се првичните активности за воспоставување на пилот проект за одржливо производство на ориз. Во рамки на оваа активност веќе беше потпишан Меморандум за соработка со ЈП Македонски шуми, а започнати се и првичните активности за поставување на опитот за одржлво производство на ориз во општината Карбинци каде што е извршено нивелирањето на парцелите кои ќе се користат во поставување на опитот. На 25 и 26 март 2015 година, експертот за ориз од Меѓународниот институт за истражување на оризот (IRRI), Joseph Rickman имаше своја мисија во штипско – кочанскиот регион каде имаше можност диреткно да се запознае со активностите кои Програмата за зачувување на природата во Македонија ги реализира за воспоставување на опит за одржливо производство на ориз. Покрај посетата на опитните површини, Joseph Rickman имаше можност за средби со претставници од: Институтот за ориз при Земјоделскиот институт на Универзитетот „Кирил и Методиј“ од Скопје, Земјоделскиот факултет при Универзитетот „Гоце Делчев“ од Штип, ЈП „Македонски шуми“, подрачната единица „Серта“ при ЈП „Македонски шуми“, како и приватни одгледувачи на ориз од регионот.

Оваа првична посета, Joseph Rickman ја искористи за собирање на податоци за состојбата и начините на традиционално производсто на ориз како и за подготовка на идни конкретни предлози и насоки за воспоставување на опитот за одржливо производство на ориз