Имплементатор на проектот е Милиеуконтакт – Македонија. Проектот е насочен кон одржливо управување со природните ресурси и зачувување на биоразновидноста и георазновидноста во општина Пехчево. Главна цел на овој проект е обезбедување на услови за одржливо управување со природните ресурси во општина Пехчево.
Специфични цели се:
1. Во рок од една година да се идентификуваат и маркираат биолошките разновидности на три избрани локации во општина Пехчево;
2. До крајот на 2015 година да се обезбеди олеснет пристап до локациите Јудови ливади, „Големо оро“ и „Вртена скала“;
3. Да се обезбедат позитивни примери и промоција на алтернативни начини на транспорт во општина Пехчево;
4. До крајот на 2015 година да има обучени најмалку 5 локални водичи за промоција на туристички атракции и природни богатства;
5. Да се подготви и спроведе кампања за промоција, подигнување на јавната свест за одржување и заштита на природните ресурси со кои располага општина Пехчево.
Во рамки на проектот се реализирани следните активности:
– Комплетирани информации за трите локации (Јудови ливади со инсектојадно растение, Делибови кашчи и Вртена скала). Беа проверени сите расположливи информации во печатени изданија, мапи и беа утврдени неточни информации и грешки кои се проверени и преправени;
– Обележана патеката и евидентирани локациите долж истата, со чистење на патеката, санирани делови од патот, приспособена патеката за пешаци и за велосипедисти;
– Изработена мапа со топоними за патеката;
– Поставени патокази (6) долж патеката како и информативни табли (4) за патеката и локациите;
– Одржана работилница со ученици и граѓани на општина Пехчево за сервисирање и трајно одржување на велосипеди;
– Подготвени и отпечатени 800 летоци со информации за локациите и мапа на патеката;
– Изгласани од страна на Советот на општина Пехчево 7 обучени Локални водичи во природа за општина Пехчево;
– Формирано три члено тело за мониторинг на спроведувањето на проектот кое го следи спроведувањето на активностите кои се дел од проектот и подготвува извештаи;
– Изработена web страна и Facebook страна за промоција на проектот и патеката;
– Поставени по две канти за отпад на сите три локалитети;
– Во делот на младинско образование одржани вкупно 4 работилници за вклучување на младите во имплементација на проектот;
– Спроведен конкурс за избор на најубава литературна творба, фотографија и цртеж наменет за учениците од ООУ „Ванчо Китанов“ – Пехчево;
– Организиран пикник на Јудови ливади со претставници на медиумите и тур-оператори од регионот за промоција на велосипедската патека и Локалните водичи во природа;
– Снимен видео материјал за подготовка на видео запис за промоција на велосипедската патека;
– Одржани 2 настани за промоција на проектот и за промоција на резултатите од проектот.
Обновено на 20.03.2015г.