Мали проекти

Локалните акции и директно вклучување на локалните чинители во нивната имплементација придонесуваат не само кон подобро управување со природните ресурси, туку се многу ефикасна алатка за подобро разбирање на значењето на природата и важноста од нејзино зачувување. Преку компонентата за поддршка на мали проекти кои се насочени кон зачувување на природата, одржливо користење на природните ресурси, како и спроведување на практики за користење на обновливи извори на енергија и енергетска ефикасност во брегалничкиот регион, во ПЗП-фаза 1 беа поддржани вкупно 36 проекти во брегалничкиот регион, од кои 14 беа спроведени од страна на општините, а 22 од страна на НВОи. Најуспешните проекти беа надградени во ПЗП фаза2.

Преку имплементацијата на овие проекти здруженијата и локалните заедници од Брегалничкиот регион придонесуваат кон зачување на природата и одржливо управување со природните ресурси во регионот, но во исто време ги зајакнаа капацитетите за управување со проекти и подигање на свеста.