Велосипедизам и заштитени подрачја

Велосипедот несомнено претставува најеколошкото механичко средство за транспорт и патување. Со велосипедот можеме многу брзо, ефикасно и на чист начин да ги посетиме заштитените подрачја. Иако пешачењето и планинарењето остануваат најдобар начин одблиску да се запознаете со природните реткости и убавини, сепак со помош на велосипедот можете со пократко време и со помалку физички напор да поминете поголема должина во вашето патување.

Фото: Васил Милјовски

Но, сепак постојат правила кои треба да се почитуваат со цел да се намали влијанието врз природата.

• Секогаш движете се по однапред трасирана и поставена велосипедска патека.
• Внимавајте секогаш да управувате велосипед кој е во добра состојба и не остава траги од масло и пластика зад него.
• Доколку имате потреба од теренска поправка на велосипедот, секогаш понесете го со вас отпадот од поправката (картонски кутии, пластика, гума).
• Избегнувајте непотребно силни и трепкачки светла и прегласни звучни сирени со цел да ги вознемирите животните.

Со цел безбедно движење со велосипед, секогаш почитувајте ги следните правила:

• Секогаш користете исправен велосипед со гуми и опрема соодветни за теренот каде сте се упатиле.
• Избегнувајте соло возење, а доколку немате партнер известете некој близок за трасата на која планирате да возите.
• На себе носете потребна заштитна опрема.
• Понесете доволно храна, вода, како и алат за мали поправки на велосипедот.