13
Апр
2017

ПОВИК НА КАНДИДАТИ ЗА УЧЕСТВО НА ОБУКА ЗА ПЧЕЛАРСТВО ВО ИСТОЧНИОТ ПЛАНСКИ РЕГИОН

Програмата за зачувување на природата во Македонија организира обука за млади невработени лица кои во иднина би сакале да се занимаваат со пчеларство. Со оваа активност Програмата за зачувување на природата во Македонија сака да го помогне економскиот развој на регионот како и да ги потенцира можностите и придобивките на жителите на ИПР од одржливото управување со природните ресурси.

pcelarstvo

Обуката ќе се организира во периодот од мај до септември 2017, во определени работни денови, а програмата за обуката предвидува теоретски предавања и практична обука кои ќе бидат распределени во 10 модули. Обуката ќе се реализира на пчеларник кој се наоѓа во близина на вештачкото езеро Гратче, Кочани. Доколку сакате да дознаете како била организирана првата обуката за млади пчелари видете го следново видео: https://www.youtube.com/watch?v=CG8GMEWOS4Y

За таа цел, ги повикуваме сите заинтересирани невработени лица до 35 годишна возраст да се пријават за учество на обуката. Припадничките на женскиот пол, се охрабруваат да се пријават за учество на обуката, а за нив старосната граница не е ограничена.

pcelarstvo

Поради ограничените можности за успешно спроведување на обуката, бројот на учесници е ограничен на вкупно 18 лица.

pcelarstvo

pcelarstvo

Критериумите за избор на кандидатите се:

  1. Да имаат постојано место на живеење во следниве општини: Берово, Виница, Делчево, Зрновци, Карбинци, Кочани, Македонска Каменица, Пехчево, Пробиштип, Чешиново – Облешево и Штип;
  2. Да не се постари од 35 години (овој критериум не важи за пријавените жени)
  3. Да се невработени;
  4. Да имаат интерес за отпочнување на сопствен бизнис во областа пчеларство, а досега да не се занимавале со оваа дејност;

Трошоците за превоз до локацијата каде ќе се реализира обуката како и котизија од 5000 денари се сопствено учество на избраните кандидати. Останатите трошоци за реализација на обуката се покриени од страна на ПЗП.

Повикот е отворен до 26 април 2017 година, а заинтересираните кандидати треба да достават пријава за учество со кратко мотивациско писмо изразувајќи ги мотивите за учество на обуката, кратка биографија и потврда од АВРМ дека се невработени.

Пријавите треба да се достават на е-пошта: jasminka@bregalnica-ncp.mk , најдоцна до  26 април 2017 година.

Преземете го јавниот повик.

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...