Изработена Нацрт национална стратегија за заштита на природата

Во текот на декември 2016 година се комплетираа активностите за изработка на Нацрт национална стратегија за заштита на природата, со вклучена Студија за геодиверзитетот и геонаследството на Република Македонија. Оваа стратегија која ги вклучува и другите компоненти на природата (биолошката и пределската разновидност) претставува најзначаен стратешки документ за зачувувањето на биодиверзитетот и природата во Македонија. Таа ќе биде основа за активностите на национално ниво за зачувување на природата, како и за спроведување на активности за исполнување на обврските на Република Македонија во однос на Натура 2000. Покрај стартегијата, изработен е и Извештај за стратeгиска оцена за влијанието врз животната средина од спроведувањето на оваа стратегија.

Во подготовка на овие документи покрај експертите задолжени нивно изготвување, активно беа вклучени и експертската јавност, здруженијата на граѓани, како и соодветните министерства и други јавни институции преку процес на јавни расправи и консултации со јавноста.

Двата документи, во нацрт верзија, се предадени во Министерството за животна средина и просторно планирање, и следува постапка за нивно одобрување од страна на Владата на Република Македонија. Нацрт националната стратегија за заштита на природата може да се погледне на следниов линк: www.bregalnica-ncp.mk/wp-content/uploads/2016/12/Nacrt_nacionalna_strategija_za_zastita_na_prirodata.pdf