Презентација на ПЗП во Македонија пред високите претставници на Швајцарската агенција за развој и соработка

На 4 март 2015 година во Штип, во посета на Центарот за развој на Источен плански регион беа високи претставници на Швајцарската амбасада во Македонија и Швајцарската агенција за развој и соработка со цел да се запознаат со текот на проектите на Швајцарската агенција за развој и соработка кои се реализираат во Источниот плански регион. Делегацијата беше предводена од швајцарскиот амбасадор во Македонија Н.Е  Stefano Lazzarotto, заменикот раководител на секторот за соработка за Источна Европа на СДЦ г-дин. Adrian Maître и раководителот на секторот за Западен Балкан на СДЦ г-ѓа Georgette Bruchez. На оваа средба, покрај другите проекти своја презентација имаше и Програмата за зачувување на природата во Македонија. Марјана Шушлевска, националиот тим лидер на ПЗП во Македонија ги запозна присутните со тековните и идните активности на Програмата, а воедно им беше презентирано и промотивното видео подготвено од страна на ПЗП.