Посета на господинот Јурген Бласер – советник на SDC за шуми и климатски промени на Брегалничкиот регион

На 14 и 15 декември 2012 година советникот на SDC за шуми и климатски промени г-дин. Јурген Бласер, членови на програмскиот тим за координација и претставник на SCO Македонија беа во посета на Брегалничкиот регион. Тие во Штип имаа можност да се сретнат со претставници на Центарот за развој на Источно планскиот регион каде главно се разговараше за капацитетите со кои располага овој регион како и за неговата идна вклученост во Програмата. Во општина Кочани, тимот на Програмата одржа состанок со претставници на општините: Кочани, Штип, Зрновци и Виница кои имаа можност уште еднаш да се запознаат со Програмата, но и да ги пренесат нивните размислувања за состојбите со животната средина и природата во Брегалничкиот регион.Покрај можноста за средба со претставници од различни општини од Брегалничкиот регион, господинот Јурген Бласер имаше можност да го посети Беровското езеро, Пехчевските водопади како и с. Град во Делчевско каде оствари средби со претставници на општините Пехчево и Делчево. При оваа теренска посети г-динот Јурген Бласер имаше можност од блиску да се запознае со дел од природните вредности на овој регион.